Sumarleiren 2013

Sjølv om Johanne og eg takka for oss på sumarleiren skal eg jobbe litt ut i juli. Eg tenkte difor eg ville nytte høve til å legge ut eit biletesamandrag frå sumarleiren. Dette til glede for dei som sjølv var der, men òg slik at dei som kanskje ynskjer å kome får eit innblikk i kva me gjer på sumarleir. Det er ikkje alt me har bilete av, so programmet kan til tider vere betre pekepinn. Om nokon skulle ynskje å nytte bileta kan de kreditere NMU.Hovdebygda

Sumarleiren var på Aasens heimstad i år. Hovdebygda i Ørsta. Me kom dit tidleg 9. juli og var der i 6 dagar.

 

FotballFotball

 

På leiren speler me mykje fotball. Både turnering med finale seinare i veka og me har fotballkurs. Etter tre sumarleirar kan eg med sikkerheit sei at nivået i år var svært høgt blant spelarane. Sjølvom ikkje alle (les: skrivaren sjølv). Likevel er det alltid like kjekt å vere med på turneringa, og alle nivå av dugleik er med. FotballMe hadde fire lag, dei to som ikkje spela kunne nytte høvet til å forsyne seg frå det populære saft/rfukt/kjeksbordet.

Me hadde eigen saft, frukt og kjeksbod

Me hadde eigen saft, frukt og kjeksbod. Den vart flittig bruka.

 

 

 

 

IMG_1125

Me hadde eigen saft, frukt og kjeksbod, dag to med telt.

IMG_1004

Mellom alt av program og på kvelden er det mykje frileik. Då badar me, syng enno meir, leikar med såpebobler, spelar spel (ligretto er ein slager), fortel skrøner, kjøper lodd, gjeng ein tur og mykje meir. IMG_1200

IMG_0891IMG_0862IMG_0745

 

T-skjorteverkstad. Me måla t-skjorter og handlenett med ymse motiv.

T-skjorteverkstad. Me måla t-skjorter og handlenett med ymse motiv.

 

 

 

 

 

På veg til Aasentunet

På veg til Aasentunet

 

 

 

 

 

 

 

På leir har me mange spanande innleiingar. I tillegg til desse har me kurs som er meir praktiske. Desse endar opp med resultat som de kan sjå her. Me har alt frå t-skjortemåling, leiravisverkstad, origami, perlekurs med meir. Me starte  emneknaggen #belivar i år, for dei som er treige skal du sjå etter IVAR, som i nynorskens far.

 

 

 

 

 

Den eine dagen drog med til Aasentunet. Det var stas. Der hadde Ottar Grepstad ei innleiing, so fekk me gå rundt i tunet og inne i museet på eigenhand. Etter dette fekk me servera ei god tomatsuppe, med brød. Me hadde høve til å handle i krambua, noko fleire nytta seg av. Tunpølsa var veldig populær, men òg bøker, t-skjorter og Ivar Aasen-bokserar. Fredrik Hope kjøpte seg til og med eit tuntre. Det kjem på eit bilete lengre nede.

I amfiet, Aasentunet

Gjengen i amfiet i Aasentunet

 

Tomatsuppe

Tunpølsa

Tunpølsa (Frå venstre: Vebjørn Sture, Eskil S. Løland, Ingrid Hovstad, Solveig Fitjar)

 

På sumarleir må me sjølvsagt på fjelltur. I år var det Helgehornet turen gjekk til. Det starta ganske so flatt, men me fekk tidsnok oppleve stigning i terrenget. Fjellet er 623 moh, og sjølv om skrivaren sjølv har vakse opp på omlag 600 moh kan ho sei seg einig i at det var luftig på toppen. utsikt

Katta Målungdom, (frå høgre Ingeborg S. Nes og Daniel F. Moen)

Katta Målungdom, (frå ventre: Ingeborg S. Nes og Daniel F. Moen)

(frå høgre Jorunn Thingnes, Synnøve Sætre og Solveig Aadland)

Lokalguide Terje Kjøde

Lokalguide Terje Kjøde, òg kjent som Sexy-Terje

 

 

 

 

 

 

 

 

 

 

 

 

Sjølv om det var bratt kom me alle opp til toppen. Me åt matpakka vår og skunda oss ned att. Me hadde med oss dart, volleyball og badminton, vindforhalda gjorde det noko vanskeleg å nytte oss at spela.

Fjellgjengen

Fjellgjengen

Dei som var att på skulen laga eit av dei kulaste bannera eg har sett. Før dei tok turen til Ivar Aasenstatuen i Ørsta sentrum.IMG_1320

 Då me kom heim att var festen i gong.

Me hadde alt!IMG_1327

  • Utdeling av medalje til vinnarlaget av fotballturneringa
  • Kåring av årets lokallag (Sunnhordland Målungdom)
  • Sentralstyreoveretaking med taler som fekk fleire til å felle ei tåre eller to. (På bilete ser du her tuntreet til Fredrik)
  • Me song, mykje!
  • Loddtrekking er eit MØST, som Vebjørn seier.
  • Me hadde sjølvsagt MELODIKAPPLEIK! Det kjekkaste på leir, meiner eg. Tekstane er mykje av høgare nivå no enn tidlegare! Vinnaren vart Vegar S. Opdahl med “Eg er kvit”, på Eurovision-låta «It’s My Life»
Sunnhordland Målungdom, årets lokallag 2013!

Sunnhordland Målungdom, årets lokallag 2013!

IMG_1343

IMG_1339

IMG_1360

Loddtrekking

Loddtrekking

Kristofer, Daniel og Yngve med kjærleikssong til Grete Faremo

Yngve og Åsmund

Yngve og Åsmund

Solveig

Solveig

Pensjonistane, Eva og Tone

Pensjonistane, Eva og Tone

JohnnyBæsj som Eskil kalla seg.

JohnnyBæsj som Eskil kalla seg.

Vebjørn song om tunpølsa.

Vebjørn song om tunpølsa.

Fredrik spela fele for oss.

Fredrik spela fele for oss.

 

 

 

 

 

 

 

 

 

 

 

 

..og sjølvsagt, vinnarnummeret, Vegard med "Eg er kvit".

..og sjølvsagt, vinnarnummeret, Vegard med “Eg er kvit”.

No er me tilbake på kontoret etter ein av dei beste tilskipingane me har hatt i Norsk Målungdom. Det har vore ei heilt fantastisk veke, men mange, kjekke, nye andlet. Eg er svært glad for at me har ein so fin organisasjon med so mange bra folk! Sjølv om eg er ute av sentralstyret er eg trygg på at me etter neste tilskiping vil sei det same. Eg gler meg allereie til NORDISK UNGDOMSKONFERANSE 4.-6. oktober og vonar eg får sjå deg der!

Landsmøtenervar

No nærmar det seg landsmøte med stormskritt. Dette gjer at me i sentralstyret har mykje me skal rekke over på sentralstyremøta våre, og nokre gonger held me på ut i seine nattetimar. Då er det viktig at me passar på at alle kosar seg, og at humøret er på topp (sjølv om ikkje alltid humoren er det). I går hadde me «heimemøte» hjå skrivaren. Me åt spinatpai (må jau halde sentralstyret sunne og friske) og til dessert hadde me ymse frukt dyppa i sjokolade. NAM! Her kjem eit lite bilete frå gårsdagen for dei som lurar på korleis me har det på møta våre.

Frå venstre: Kristofer Olai Ravn Stavseng, Karl Peder Mork, Johanne Marie Kydland Torvund, handa til Vebjørn Sture. Fotograf: Anne Straume

Frå venstre: Kristofer Olai Ravn Stavseng, Karl Peder Mork, Johanne Marie Kydland Torvund, handa og litt av håret til Vebjørn Sture. Fotograf: Anne Straume

Landsstyremøtet dag to!

“Hei bloggen” seier Vebjørn Sture

No har me nett satt oss attende til møtebordet etter lunsj. I tillegg til brødmat hadde me restar frå middagen i går. Bønne-chilli-sjokolade-walnøttgryte med lefse attåt. Oppskrifta er henta frå Green Kitchen Stories. Med mykje chilli og mykje sjokolade vart gryta ein stor suksess, meiner no i alle fall eg!

Middagslunsjen

Middagslunsjen

For å få møtelyden i gong song me “Leitande etter blåmann”. For dei som ikkje kan teksten, her er han:

På leit etter blåmann

Leitande etter blåmann

 

Velkomen til Voss!

Då var innkallinga til landsmøtet sendt ut, og landsmøteheimesidene (http://malungdom.no/landsmote/) har fått både oppdatert informasjon og eit lite lass med sakspapir. Så her er det berre å gjera seg klar!

Vonar me ser deg på Voss! 🙂

Eit sterkare norskfag – for alle

Det har lenge vore varsla ei endring i korleis norskfaget i skulen skal verte organisert, og Utdanningsdirektoratet har endeleg kome med sine framlegg til korleis faget kan gå styrkt ut av ei slik endring – på oppdrag av kunnskapsminister Halvorsen. Norsk Målungdom meiner at fleire framlegg ser fine ut, men at nokre av framlegga er direkte farlege for nynorsken og stikk i strid med det regjeringspartia gjekk til val på.

Norsk Målungdom vil arbeide for at nynorskopplæringa skal verte betre og halde høgare kvalitet enn ho gjer i dag, og meiner ikkje at løysinga på problemet er å kutte i undervisning, eksamen og ambisjonsnivå. Framlegget til Utdanningsdirektoratet om å slå saman sidemåls- og hovudmålskarakteren, tone ned sidemålsdelen av karakteren og fjerne eksamen på ungdomsskulen er det motsette av å styrkje sidemålet – og det vil i stor grad ramme nynorsken.

Eg tvilar ikkje på at Halvorsen sin intensjon er at denne endringa skal kome elevar med nynorsk som hovudmål til gode, sidan dei då får tid til å arbeide meir med hovudmålet sitt. Problemet er berre at denne type argumentasjon er gamaldags og utdatert. Ein vert ikkje automatisk betre i eit språk ved å kutte ut andre språk, det er òg andre faktorar som spelar inn. Desse moglege endringane i norskfaget vil i praksis minske statusen til nynorsk. Dette er ikkje eit gode for nynorskelevane. Tvert om!

Vi er tente med at alle elevar i Noreg kan lese, skrive og forstå både nynorsk og bokmål. Nynorskelevar har òg rett til å få sin dose bokmålsopplæring og å få kompetansen sin festa på vitnemålet, serleg i eit så bokmålsdominert samfunn og arbeidsliv som vi har i dag.

Fleire såkalla positive sidemålsforsøk med mellom anna bruk av nynorske lærebøker i andre fag enn norsk for bokmålselevar har synt oss at det er mogleg – og at god undervisning har både auka kunnskapen og viljen til å lære begge språka. Meir og betre sidemålsundervisning gjer at elevane lærer meir og får betre haldningar.

Ikkje kutt i kunnskap – vi vil lære meir, ikkje mindre!

Sentralstyret på aksjon og målferd i Øystese

I dag er det nøyaktig 40 år sia dei første store elevstreikane for nynorske læremiddel vart sparka i gang på Øystese i Hardanger.

Difor var sentralstyret i Norsk Målungdom på jubileumsaksjon og -målferd på Øystese gymnas i dag. Her kan du sjå nokre bilete frå dagen:
CIMG2101
Feiring: Utstyrt med jakkemerke og godteri stilte me oss opp i kantina.
CIMG2125
Målferd: Vebjørn spreier den gode bodskapen til ein noko trøytt påbygg-klasse.
CIMG2138
Gruppebilete: Sentralstyret i nye genserar frå Øystese gymnas
CIMG2138
Snik-nynorskifisering: Eva snik inn litt nynorsk i dei elles så nynorskfrie vekeblada.
CIMG2147
…og litt flygeblad i hylla for ballholm

Jølstratur med sentralstyret

Ein gong i halvåret samlar NMU-sentralstyret seg ei helg for å gå gjennom arbeidsmåtar, skolera seg, lada nynorskbatteria litt og planleggja arbeidet i tida som kjem. Denne gongen nytta det nye sentralstyret høvet til å leggja samlinga til Jølster i Sunnfjord – heimbygda til NMU-leiar Janne Nygård! Dei konkrete resultata får de sjå utover hausten og vinteren, men i mellomtida kan de kosa dykk med litt fotografisk dokumentasjon.

Ferja Fodnes - Mannheller

Då me såg utsikta gjekk det opp for oss at me ville få veldig fine gruppebilete dersom me stilte oss i vegen for henne. Så då vart det fotoseanse.

Ferja Fodnes - Mannheller

Men det er naturlegvis avgrensa kor lenge me evnar å halda maska.

Ferja Fodnes - Mannheller

Dagens best kledde: Baksetet i bilen, som tilsynelatande hadde bytt klesdrakt med leiar-Janne.

Ferja Mannes - Fodheller

For eit stakka sekund evna me å halda maska igjen.

Ferja Fodheller - Mannes

... men lenge vara det ikkje.

Mannheller: Fodnes - Ferja

Me prøvde å plukka reint baksetet for skabb. Heilt til me innsåg at det var leiaren som skjulte seg inni leopardpelsen.

Jølstravatnet

Vel framme i Jølster kunne me konstatera at den fremste kvaliteten kommunen ynskjer å framheva seg sjølv med, er at Jølster er i eit fylke ...

Jølstravatnet

Men jammen er Jølster flott, kva?

Astruptunet, Jølster

Det er vel ikkje utan grunn at dei kallar Sogn og fjordane for «Trivselsfylket»

Astruptunet, Jølster

Sopp veks der òg. Noko som ganske raskt førde til litt «strekk i feltet», som det heiter på fint.

Jølstruptunet, Aster

På laurdagen tok me oss ein tur til Astruptunet, der Janne pla jobba om sumrane.

Astrupjølster, Tunet

Vel inne på Astruptunet var jamvel stearinljosa strategisk plasserte.

Jølstertunet, Astrup

«Er kvardagen grå og skivene slappe? Legg om til nynorsk, og bøy nokre kjappe (verb)!»

Tunstrupet, Stjølaster

Leiar-maten

Strupalsterjøl, Tenut

«Jølstralappen». Gjeld langs heile sørsida av Jølstravatnet.

Støtteerklæring

Me har ikkje ord, korkje til å omtala terrorhandlingane i dag, eller til å festa kjenslene til skrift. Ein ufatteleg tragedie har råka Noreg, regjeringskvartalet, forbipasserande sivilistar og ikkje minst våre ungdomspolitiske kollegaer i Arbeidaranes Ungdomsfylking. Tankane våre til offera og deira pårørande.

Me veit at medlemer i Norsk Målungdom var til stades på Utøya, men me har førebels ikkje fått inn meldingar om skadde eller drepne målungdomsaktivistar – utan at det gjer sorga mindre. Nett slik bombeåtaket mot regjeringskvartalet er eit åtak på heile Noreg, er massakren mot AUF eit åtak på alle engasjerte ungdommar i alle ungdomsorganisasjonar, tverrpolitiske som partipolitiske. I kveld, i natt, i morgon finst ikkje partigrenser eller andre politiske eller organisatoriske skiljeliner. Tida er komen for å stå saman, for å visa den eller dei som står bak ugjerningane at aksjonane deira ikkje funkar, at demokratiet, organisasjonslivet og ungdomar med engasjement ikkje lèt seg kua.

Lat oss difor senda ei serskild støttehelsing til våre vener i AUF: Vit at kjenslene og tankane våre går til dykk, og vit at me står klare dersom det skulle vera noko me kan hjelpa til med i tida som kjem. Måtte alle gode krefter vera med dykk i den tunge tida som de, me og resten av Noreg har framfor oss.

Varme helsingar,
Norsk Målungdom

Populisme frå Ødegaard

Skulebyråd i Oslo, Torger Ødegaard (H), trugar med å søkje Utdanningdirektoratet om at alle elevar i osloskulen skal få sleppe å lære skriftleg sidemål for å bli betre til å skrive norsk. Han meiner at “nynorsk litteratur og kultur bør læres muntlig, og dermed vil flere dyktiggjøre seg i skriftlig norsk.” ifylgje Aftenposten.

Dette seier Ødegaard sjølv om Utdanningsdirektoratet har sagt klårt i frå om at søknader om slike forsøk ikkje vert innvilga. Dessutan har det sitjande bystyret allereie i 2008 sagt klårt ifrå om at dei heller vil satse på å styrkje sidemålsopplæringa i staden for å kutte ho ut eller gjere ho “valfri”. Dette veit Ødegaard. Kvifor lovar han veljarane sine noko han ikkje kan halde? Dette er populisme og ikkje praktisk og framtidsretta politikk.

Det vert ofte vist til resultata av det såkalla “Oslo-forsøket” der nokre vidaregåande skular i Oslo fekk fritak frå skriftleg sidemål. Dette forsøket er vorte kritisert, funna er ikkje eintydige og forskingsinstitusjonen som utførte evalueringa av forsøket, NIFU-step, sa sjølv at dei ikkje var kvalifiserte til det og åtvara mot at denne rapporten vart brukt politisk.

I 2008 gjorde bystyret i Oslo eit vedtak om å styrkje sidemålsopplæringa. Så går det sjølvsagt an å setje eit spørsmålsteikn ved kva Oslo kommune eigentleg har gjort dei siste fire åra for å gje sidemålsopplæringa eit løft. Svaret er: Dei har ikkje løfta ein finger.

Opplading til sumarleir, #2

Som eit lite avbrekk opp ei all sidemålsviraken presenterer me andre del i oppladingsserien av biletblogging fram mot den makelause jubileumssumarleiren på Vinstra 5.-10. juli som du berre MÅ melda deg på med det absolutt aller fyrste. Som sist er det bilete frå tidlegare sumarleirar som er tingen, og me byter motiv frå fotballturnering til logistikk. Leigebilane me ordnar oss til ulike tilskipingar er ofte av verneverdig karakter, og det museale klimakset kjem til vanleg nettopp på sumarleirane. Lat oss mimra litt tilbake til sumarleiren i Arendal i 2010, og den … unike … doningen som etter kort tid vart oppkalla etter den velkjende atomubåten Kursk:

Leigebilen me hadde under sumarleiren i Arendal i 2010.

Uran eller plutonium? Neimen om eg veit, men bilen minna farleg mykje om korleis engelskspråklege actionfilmar ville ha framstilt eit mobilt lagerhus for brenselsstavar i Murmansk. MEN, som alltid, det er det indre som tel: Bilen sveiv som berre juling, og frakta attpåtil sentrallekken heim til Oslo i tide til VM-finalen! (At den enorme storleiken seinare på kvelden avfødde ei parkeringsbot, får me heller sjå mellom fingrane ...)