Læreplansiger!

Posted on 20/06/2013 by anne

Læreplanen i norsk vart offentleggjort tidlegare i dag. Marit Aakre Tennø, leiar i Mållaget, og Vebjørn Sture, leiar i Norsk Målungdom, satt på gjerde og venta på pressemelding frå kunnskapsdepartementet.

Det er litt av kvart å juble for i den nye læreplanen, her er noko av det me jublar over i dag:

– likestilte kompetansemål for bokmål og nynorsk,

– tidlegare start med sidemål. Lesing og lytting heilt frå starten, eksperimenterande skriving frå 5. trinn. Me bad om 4. trinn, men det er uansett fleire steg i rett retning,

– eigen sidemålskarakter på 10. trinn og VG3,

– betre grunngjeving for sidemål i føremålsteksten.

Dette er ein læreplan på rett veg, med mykje NMU-politikk på mange område. Me har vore både i avis og på radio i dag. Det har vore god stemning på skrivarstova og me feira læreplanen i lunsjen med sushi og mozell.

Landsstyremøte

Posted on 29/04/2013 by anne

I helga samla landsstyret åt Norsk Målungdom seg på Rødkleivhytta i Nordmarka for å ha sitt fyrste møte i arbeidsberioden 2013-2014. Det var ei gild helg, prega av latter, smil og fine folk. I landsstyret er det kome inn mange bra nye folk, og sjølvsagt er fortsatt mange av dei “gode gamle” med. Me hadde lagsbygging på fredagskvelden. Anne tok oss med gjennom leiken. Me hadde mellom anna ballongkrig og tampongkanonskyting. Me legg ved nokre bilete frå helga. Me vedto fråsegner og satt ned landsstyrenemnder. Alt i alt var det ei flott helg!

Ballongkrig

Tampongkanon

Helene med tampongkanon

Lagsbygging

Åsmund

Vebjørn-vaskekone

Solveig og Anne på veg heim

Johanne på veg heim

Vebjørn – Le Chef

Posted on 21/02/2013 by anne

Vebjørn er frå no NMUs Chef som det heiter på sidemål! På sentralstyremøtet på tysdag diska han opp med dessert! Dette må sjølvsagt delast med heile verda, difor kjem det her eit bilete:

Banan, krem, sjokolade, (ve)bjørnebær og fargerike mini-dinosaurar <3

Som me seier, Vebjørn du er best! Sidan han er so god skal han få eit dikt av oss, det heiter «Vebjørn, Vebjørn»:

Vebjørn, Vebjørn fagre møy

på sentralstyremøta du lagar gøy

du diskar opp som ein chef

det er ikkje berre seff, seff!

Du er ein god og gamal mann

sentralstyret utan deg ikkje leve kan!

Landsstyretmøte dag to!

Posted on 09/02/2013 by anne

Då er me atter samla på skrivarstova. Det nærmar seg slutten av landsstyretåret 2012/2013 og me arbeider med å vedta ny politikk for neste arbeidsperiode. No har me oppe arbeidsprogrammt for 2013/2014! Medan me sitt her på møterommet har me fantastisk hjelp på kjøkkenet, Maria diskar opp!

– Hjarteleg takk Maria <3

Til lukke med samefolkets dag!

Posted on 06/02/2013 by anne

Her på kontoret har me feiring av samanes nasjonaldag. I år er det 20 år sidan dagen fyrst vart feira. Dagen er felles nasjonaldag for alle samar i Noreg, Finland, Sverige og Russland. Me har pynta kontoret og arbeiderane. Dagen er, sjølvsagt, samisk flaggdag, til minne om det fyrste samiske fellesmøtet i Trondheim 6. februar 1917. Dagen er òg offisiell flaggdag i Noreg. Alle offentlege bygg skal flagge med det norske flagg. Det samiske flagget, er i følge Wikipedia, valfritt. Dette tykkjer eg er litt rart, sidan det trass alt er samanes nasjonaldag! Det er slik i Noreg at ein ikkje kan heise eit «framand lands» flagg åleine, det må stå att med det norske. Då kan ein spørje seg om sameflagget er eit «framand lands» flagg. Det meiner ikkje eg. Me seier uansett

– til lukke med dagen!

Landsmøtenervar

Posted on 06/02/2013 by anne

No nærmar det seg landsmøte med stormskritt. Dette gjer at me i sentralstyret har mykje me skal rekke over på sentralstyremøta våre, og nokre gonger held me på ut i seine nattetimar. Då er det viktig at me passar på at alle kosar seg, og at humøret er på topp (sjølv om ikkje alltid humoren er det). I går hadde me «heimemøte» hjå skrivaren. Me åt spinatpai (må jau halde sentralstyret sunne og friske) og til dessert hadde me ymse frukt dyppa i sjokolade. NAM! Her kjem eit lite bilete frå gårsdagen for dei som lurar på korleis me har det på møta våre.

Frå venstre: Kristofer Olai Ravn Stavseng, Karl Peder Mork, Johanne Marie Kydland Torvund, handa til Vebjørn Sture. Fotograf: Anne Straume

Frå venstre: Kristofer Olai Ravn Stavseng, Karl Peder Mork, Johanne Marie Kydland Torvund, handa og litt av håret til Vebjørn Sture. Fotograf: Anne Straume

Snikkaren

Posted on 09/11/2012 by anne

I dag har me gjort alt me kan for å få det fint i stova før vårt vyrde landsstyre kom. Me har rydda og kasta søppel, vaska og skura, og ikkje minst har me hengt opp alle dei fine bileta våre. Det gjekk so lett når me har ein snikkar som leiar. Her har de eit bilete frå dagen:

Snikkar Sture

Delar av Landsstyret som sitt sprikra foram framsyninga av Ut i vår hage

Delar av Landsstyret som sitt sprikra foran framsyninga av Ut i vår hage

Me snikra medan me hadde Byggmeister Bob på høgtalerane. Landsstyret vart so glade då dei såg dette. For å vise kor glade me er i dei har me no bake kake, og den et dei medan dei ser på Ut i vår hage. Flott stemning på landsstyremøtet dag 1. Følg med for oppdateringar om dag 2.

WORDFEUD PÅ NYNORSK

Posted on 16/10/2012 by anne

Her på kontoret er me like glade som alle andre for at me no kan spele wordfeud på nynorsk. Me speler natt og dag, og det er ei intens tevling om kven som er best. For alle som lurar er det ikkje Vebjørn, men meg! Her har de prov!

Kan òg avsløre at tidlegare leiar, Janne, ikkje er så god i spelet ho heller, når ho speler mot meg. Sjølvutnemd meister!

Jølstratur med sentralstyret

Posted on 16/08/2011 by Vebjørn

Ein gong i halvåret samlar NMU-sentralstyret seg ei helg for å gå gjennom arbeidsmåtar, skolera seg, lada nynorskbatteria litt og planleggja arbeidet i tida som kjem. Denne gongen nytta det nye sentralstyret høvet til å leggja samlinga til Jølster i Sunnfjord – heimbygda til NMU-leiar Janne Nygård! Dei konkrete resultata får de sjå utover hausten og vinteren, men i mellomtida kan de kosa dykk med litt fotografisk dokumentasjon.